ຄວາມປອດໄພທາງກາຍະພາບລະບົບອ່ານປ້າຍທະບຽນລົດ (LPR/ANPR)
ກ້ອງອ່ານປ້າຍທະບຽນເອງ ເພື່ອເປີດໄມ້ກັ້ນ, ບັນທຶກລົດເຂົ້າອອກ ແລະ ຈັບຄູ່ລົດກັບນ້ຳໜັກທີ່ຈຸດຊັ່ງ. ທົດສອບກັບປ້າຍລາວຈິງກ່ອນ.
ບັນຫາທີ່ເຮົາພົບເລື້ອຍໜ້າງານ
ຍາມທີ່ຈົດປ້າຍລົດໃສ່ປຶ້ມ ຂຽນຜິດ, ຂຽນບໍ່ທັນເມື່ອລົດມາຫຼາຍຄັນ ແລະ ຍ້ອນກັບໄປຊອກກໍຍາກ. ຢູ່ບໍ່ແຮ່ ແລະ ສາງ, ລົດບັນທຸກທີ່ບໍ່ໄດ້ລົງທະບຽນ ຫຼື ການສັບລົດທີ່ຈຸດຊັ່ງ ເຮັດໃຫ້ເສຍເງິນແທ້.
LPR ໃຊ້ ກ້ອງສະເພາະ ທີ່ມີ Shutter ໄວ ແລະ IR ເພື່ອໃຫ້ພາບປ້າຍຊັດ ເຖິງລົດກຳລັງແລ່ນ ຫຼື ກາງຄືນ, ແລ້ວໃຊ້ AI ອ່ານຕົວອັກສອນ ແລະ ທຽບກັບລາຍຊື່ອະນຸຍາດ/ຫ້າມ (Allow/Block List).
ປ້າຍລາວ ແລະ ປ້າຍຕ່າງປະເທດ
ປ້າຍລາວມີຕົວອັກສອນລາວ ແລະ ຊື່ແຂວງ. ລົດຂົນສົ່ງຈາກໄທ, ຫວຽດນາມ ແລະ ຈີນ ກໍຂ້າມມາທຸກມື້. ຄວາມແມ່ນຍຳໃນການອ່ານປ້າຍລາວ ຕ່າງກັນຫຼາຍລະຫວ່າງຍີ່ຫໍ້ ແລະ ລຸ້ນ, ແລະ ຕົວເລກໃນເອກະສານຂາຍ ມັກທົດສອບກັບປ້າຍປະເທດອື່ນ. ພວກເຮົາຈຶ່ງ Pilot ກັບລົດຈິງຢູ່ໜ້າງານຂອງທ່ານກ່ອນ ແລະ ອອກແບບໃຫ້ພະນັກງານຢືນຢັນດ້ວຍຕາ ເມື່ອລະບົບບໍ່ໝັ້ນໃຈ.
ຢູ່ບໍ່ແຮ່ ມີອີກບັນຫາໜຶ່ງ: ປ້າຍລົດບັນທຸກທີ່ມີຂີ້ຕົມ ຫຼື ຝຸ່ນປົກ ອ່ານບໍ່ໄດ້, ບໍ່ວ່າກ້ອງຈະດີປານໃດ. ຈຸດລ້າງລໍ້ກ່ອນເຖິງປະຕູ ຊ່ວຍໄດ້ຫຼາຍກວ່າການປ່ຽນກ້ອງ.
ຕິດຕັ້ງໃຫ້ຖືກ
- ມຸມກ້ອງບໍ່ເກີນປະມານ 30° ທັງແນວນອນ ແລະ ແນວຕັ້ງ
- ປ້າຍກວ້າງຢ່າງໜ້ອຍປະມານ 130–150 Pixel ໃນພາບ (ກວດສະເປັກຂອງແຕ່ລະຍີ່ຫໍ້)
- ລົດຜ່ານໃນເລນທີ່ກຳນົດ, ເຫັນປ້າຍກ່ອນຮອດໄມ້ກັ້ນ
- ມີ Loop Detector ຫຼື ເຊັນເຊີ ເພື່ອໃຫ້ໄມ້ກັ້ນບໍ່ຕົກໃສ່ລົດ. ຂໍ້ນີ້ຫ້າມຂ້າມ.
ເຊື່ອມກັບລະບົບອື່ນ
LPR ເຊື່ອມກັບ ໄມ້ກັ້ນ, ລະບົບລານຈອດ, ຈຸດຊັ່ງນ້ຳໜັກ (ປ້າຍ + ນ້ຳໜັກ + ຮູບ ໃນລາຍການດຽວ) ແລະ VMS ເພື່ອຊອກຫາລົດຍ້ອນຫຼັງ.
ສິ່ງທີ່ລະບົບເຮັດໄດ້
ອ່ານປ້າຍເອງ
ກ້ອງ Shutter ໄວ ແລະ IR, ທັງກາງວັນ ແລະ ກາງຄືນ.
ລາຍຊື່ອະນຸຍາດ/ຫ້າມ
ເປີດໄມ້ກັ້ນໃຫ້ລົດທີ່ລົງທະບຽນ, ແຈ້ງເຕືອນລົດທີ່ເຝົ້າລະວັງ.
ເຊື່ອມຈຸດຊັ່ງນ້ຳໜັກ
ປ້າຍ, ນ້ຳໜັກ ແລະ ຮູບ ຢູ່ນຳກັນ, ສັບລົດບໍ່ໄດ້.
ລາຍງານເຂົ້າ-ອອກ
ລົດຢູ່ໃນພື້ນທີ່ດົນປານໃດ ແລະ ສະຖິຕິລົດ.
ຊອກຫາຍ້ອນຫຼັງ
ພິມເລກປ້າຍ ເຫັນທຸກເທື່ອທີ່ລົດຄັນນັ້ນຜ່ານ.
ພະນັກງານຢືນຢັນ
ເມື່ອລະບົບອ່ານບໍ່ໝັ້ນໃຈ, ຄົນຕັດສິນ.
ແບບລະບົບ ແລະ ຂັ້ນຕອນຕິດຕັ້ງ
- 1
ສຳຫຼວດເລນ, ຄວາມໄວລົດ ແລະ ແສງ (ລວມທັງແສງແດດຕອນເຊົ້າ-ແລງ)
- 2
Pilot ກ້ອງ LPR ກັບປ້າຍລາວ/ໄທ ຈິງຢູ່ໜ້າງານ
- 3
ຕິດກ້ອງ, ໄມ້ກັ້ນ ແລະ Loop Detector
- 4
ເຊື່ອມຊອບແວ, ລາຍຊື່ ແລະ ລະບົບຊັ່ງ/ລານຈອດ
- 5
ວັດອັດຕາການອ່ານ ແລະ ປັບຈົນໄດ້ຕາມເປົ້າ
ໃຊ້ຢູ່ໃສໄດ້ແດ່
- ປະຕູບໍ່ແຮ່ ແລະ ຈຸດຊັ່ງລົດບັນທຸກແຮ່
- ສາງ ແລະ ສູນກະຈາຍສິນຄ້າ ທີ່ມີລົດຂ້າມແດນ
- ລານຈອດລົດ ສູນການຄ້າ, ໂຮງແຮມ ແລະ ໂຮງໝໍ
- ອົງການລັດ ແລະ ໂຄງການບ້ານຈັດສັນທີ່ມີປະຕູ
ຂະໜາດລະບົບທີ່ພົບເລື້ອຍ
ປະຕູ
ເໝາະສຳລັບ: 1–2 ເລນ
- ກ້ອງ LPR ຕໍ່ເລນ
- ໄມ້ກັ້ນ ແລະ Loop Detector
- ລາຍຊື່ອະນຸຍາດ ແລະ ບັນທຶກເຂົ້າອອກ
ຈຸດຊັ່ງນ້ຳໜັກ
ເໝາະສຳລັບ: ຈຸດຊັ່ງ ແລະ ປະຕູໜ້າງານ
- ກ້ອງ LPR ໜ້າ/ຫຼັງ ແລະ ກ້ອງພາບລວມ
- ເຊື່ອມຊອບແວຊັ່ງນ້ຳໜັກ
- ລາຍງານ ລົດ-ນ້ຳໜັກ-ຮູບ
ລານຈອດ / ຫຼາຍປະຕູ
ເໝາະສຳລັບ: ລານຈອດ ຫຼື ຫຼາຍປະຕູ
- ຊອບແວລານຈອດ ແລະ ນັບບ່ອນຈອດວ່າງ
- ເຊື່ອມ VMS ສູນກາງ
- ແຈ້ງເຕືອນລົດໃນລາຍຊື່ຫ້າມ
ຍີ່ຫໍ້ທີ່ເຮົາຈັດຫາ & ຕິດຕັ້ງ
ຊື່ຍີ່ຫໍ້ ແລະ ເຄື່ອງໝາຍການຄ້າທັງໝົດ ເປັນກຳມະສິດຂອງເຈົ້າຂອງ. ການກ່າວເຖິງຊື່ ບໍ່ໄດ້ໝາຍຄວາມວ່າພວກເຮົາເປັນຕົວແທນຢ່າງເປັນທາງການ ເວັ້ນເສຍແຕ່ຈະລະບຸໄວ້ຢ່າງຊັດເຈນ. ພວກເຮົາຈັດຫາສິນຄ້າຜ່ານຊ່ອງທາງຈັດຈຳໜ່າຍທີ່ຖືກຕ້ອງ.
ຄຳຖາມທີ່ພົບເລື້ອຍ
ອ່ານປ້າຍລາວໄດ້ແທ້ບໍ?
ບາງລຸ້ນໄດ້ ແຕ່ຄວາມແມ່ນຍຳຕ່າງກັນຫຼາຍ. ພວກເຮົາບໍ່ສັນຍາຕົວເລກລ່ວງໜ້າ. ພວກເຮົາທົດສອບກັບລົດຈິງຂອງທ່ານກ່ອນ ແລ້ວບອກຜົນຕາມທີ່ວັດໄດ້.
ໃຊ້ກ້ອງ CCTV ທຳມະດາອ່ານປ້າຍໄດ້ບໍ?
ບໍ່ແນະນຳ. Shutter ຊ້າ ເຮັດໃຫ້ປ້າຍມົວເມື່ອລົດເຄື່ອນທີ່, ແລະ ກາງຄືນ ໄຟໜ້າລົດເຮັດໃຫ້ພາບຂາວໝົດ. ກ້ອງ LPR ອອກແບບມາແກ້ສອງບັນຫານີ້.
ລົດແລ່ນໄວໄດ້ເທົ່າໃດ?
ປະຕູທີ່ມີໄມ້ກັ້ນ ລົດຊ້າລົງເອງ ແລະ ບໍ່ມີບັນຫາ. ຖະໜົນທີ່ລົດບໍ່ຢຸດ ຕ້ອງໃຊ້ກ້ອງ ແລະ ການຕິດຕັ້ງສະເພາະ ທີ່ພວກເຮົາອອກແບບຕາມໜ້າງານ.
ຄູ່ມືທີ່ກ່ຽວຂ້ອງ
ເລືອກຄວາມລະອຽດ ແລະ ເລນກ້ອງ CCTV ແນວໃດ ໃຫ້ເຫັນໜ້າຄົນແທ້: DORI ແລະ Pixel Density
ກ້ອງ 8MP ບໍ່ໄດ້ຊ່ວຍ ຖ້າເລນຜິດ. ວິທີຄິດ pixel ຕໍ່ແມັດ, ລະດັບ DORI ຕາມ IEC 62676-4, ຄວາມສູງ ແລະ ມຸມຕິດຕັ້ງ, ພາບກາງຄືນ ແລະ ຕົວຢ່າງອອກແບບສາງໜຶ່ງແຫ່ງ.
AI ໃນກ້ອງວົງຈອນປິດ: ໃຊ້ຫຍັງໄດ້ແທ້ ສຳລັບບໍ່ແຮ່, ໂຮງງານ ແລະ ຮ້ານຄ້າໃນລາວ
ກວດຈັບການບຸກລຸກ, ອ່ານປ້າຍທະບຽນ, ກວດ PPE, ນັບຄົນ ແລະ ຊອກຫາພາບດ້ວຍຄຳເວົ້າ: ອັນໃດໃຫ້ຜົນ, ອັນໃດຍັງມີຂໍ້ຈຳກັດ, edge ຫຼື server, ແລະ ຄວນເລີ່ມ pilot ແນວໃດ.
ຄິດໄລ່ຮາດດິສ NVR: ກ້ອງຂອງທ່ານຕ້ອງໃຊ້ຈັກ TB ແທ້?
ສູດຄິດພື້ນທີ່ບັນທຶກຈາກ bitrate, ຈຳນວນກ້ອງ ແລະ ຈຳນວນມື້ ພ້ອມຕົວຢ່າງ 16 ກ້ອງ, H.264 ທຽບ H.265 ແລະ ການເລືອກ RAID ທີ່ບໍ່ເຕັມກ່ອນກຳນົດ.
ໂຊລູຊັນທີ່ກ່ຽວຂ້ອງ
ຄວາມປອດໄພທາງກາຍະພາບ
ລະບົບກ້ອງວົງຈອນປິດ IP (CCTV)ກ້ອງ IP H.265 ກັບ NVR/VMS ທີ່ອອກແບບຕາມສິ່ງທີ່ຕ້ອງເຫັນ: ໜ້າຄົນ, ປ້າຍລົດ ຫຼື ພາບລວມ. ທົນຝຸ່ນ, ຝົນ ແລະ ໄຟຕົກ.
ວິເຄາະວິດີໂອດ້ວຍ AIໃຫ້ກ້ອງແຍກຄົນອອກຈາກໃບໄມ້ ແລະ ໝາ, ແຈ້ງເມື່ອມີຄົນຂ້າມຮົ້ວ, ກວດ PPE, ນັບຄົນ ແລະ ຊອກພາບຍ້ອນຫຼັງໃນບໍ່ເທົ່າໃດວິນາທີ.
ລະບົບຄວບຄຸມການເຂົ້າອອກເປີດປະຕູດ້ວຍບັດ, ໃບໜ້າ, ລາຍນິ້ວມື ຫຼື ມືຖື. ກຳນົດວ່າໃຜເຂົ້າປະຕູໃດ ເວລາໃດ ແລະ ຮູ້ທຸກການເຂົ້າອອກ.
ລະບົບລົງເວລາເຮັດວຽກລົງເວລາດ້ວຍໃບໜ້າ, ລາຍນິ້ວມື ຫຼື ມືຖື ທຸກສາຂາ ແລະ ໜ້າງານ. ລາຍງານກະ ແລະ ໂອທີ ສົ່ງເຂົ້າລະບົບເງິນເດືອນໄດ້ເລີຍ.
ລະບົບສັນຍານເຕືອນຜູ້ບຸກລຸກເຊັນເຊີປະຕູ, ໜ້າຕ່າງ ແລະ ການເຄື່ອນໄຫວ ພ້ອມໄຊເຣນ ແລະ ແຈ້ງເຕືອນເຂົ້າມືຖືທັນທີ ສຳລັບສຳນັກງານ, ຮ້ານຄ້າ ແລະ ສາງ.
ຄວາມປອດໄພຮອບຮົ້ວ (Perimeter Security)ເຝົ້າຮົ້ວຫຼາຍກິໂລແມັດ ດ້ວຍກ້ອງຄວາມຮ້ອນ, AI, ເຊັນເຊີຮົ້ວ ແລະ ໄຟສ່ອງ ສຳລັບບໍ່ແຮ່, ໂຮງງານ ແລະ ສະຖານີໄຟຟ້າ.ສົ່ງແຜນຜັງອາຄານ ຫຼື ຮູບໜ້າງານສອງສາມຮູບມາໃຫ້ເຮົາ
ເຮົາຈະຖາມລາຍລະອຽດເພີ່ມ ແລ້ວສົ່ງແບບລະບົບເບື້ອງຕົ້ນໃຫ້. ປຶກສາຄັ້ງທຳອິດຟຣີ ເປັນພາສາລາວ, ໄທ ຫຼື ອັງກິດ ທາງ WhatsApp ຫຼື ເພຈ Facebook.