ຄວາມປອດໄພທາງກາຍະພາບລະບົບສັນຍານເຕືອນຜູ້ບຸກລຸກ
ເຊັນເຊີປະຕູ, ໜ້າຕ່າງ ແລະ ການເຄື່ອນໄຫວ ພ້ອມໄຊເຣນ ແລະ ແຈ້ງເຕືອນເຂົ້າມືຖືທັນທີ ສຳລັບສຳນັກງານ, ຮ້ານຄ້າ ແລະ ສາງ.
ບັນຫາທີ່ເຮົາພົບເລື້ອຍໜ້າງານ
CCTV ບັນທຶກໄດ້ ແຕ່ມັນບໍ່ປຸກໃຜ ເມື່ອມີຄົນງັດປະຕູຫຼັງຕອນຕີ 2. ທ່ານຈະຮູ້ຕອນເຊົ້າ ເມື່ອພະນັກງານມາເປີດຮ້ານ ແລະ ຂອງກໍຫາຍໄປແລ້ວ.
ລະບົບມີ ແຜງຄວບຄຸມ (Control Panel), Keypad ສຳລັບເປີດ/ປິດ, ເຊັນເຊີ ແລະ ອຸປະກອນແຈ້ງເຕືອນ: ໄຊເຣນ, ໄຟກະພິບ, ແອັບມືຖື, SMS ຫຼື ສົ່ງໄປສູນຮັບແຈ້ງເຫດ.
ເລືອກເຊັນເຊີ
- Magnetic Contact ສຳລັບປະຕູ ແລະ ໜ້າຕ່າງ
- PIR ກວດການເຄື່ອນໄຫວພາຍໃນ. ຢູ່ລາວ ພວກເຮົາມັກໃຊ້ Dual-tech (PIR + Microwave): ຕ້ອງໃຫ້ທັງສອງເຊັນເຊີເຫັນພ້ອມກັນ ຈຶ່ງແຈ້ງ, ຈຶ່ງບໍ່ດັງຍ້ອນລົມແອ ຫຼື ແດດສ່ອງ.
- Pet-immune PIR ສຳລັບບ່ອນທີ່ມີແມວ ຫຼື ໜູ. ໃນສາງ ໜູແມ່ນສາເຫດອັນດັບຕົ້ນຂອງການແຈ້ງເຕືອນຜິດ.
- Glass-break ແລະ Vibration ສຳລັບໜ້າຮ້ານກະຈົກ ແລະ ຕູ້ເຊບ
- ປຸ່ມສຸກເສີນ (Panic Button) ແບບງຽບ ສຳລັບເຄົາເຕີທະນາຄານ ແລະ ຮ້ານຄຳ
ອອກແບບໃຫ້ຕັດຍາກ
ແຜງມີ ແບັດເຕີຣີສຳຮອງ ແລະ ແຈ້ງເຫດສອງເສັ້ນທາງ IP + 4G. ຄົນທີ່ຕັ້ງໃຈເຂົ້າ ມັກຕັດສາຍໂທລະສັບ ຫຼື ສາຍເນັດກ່ອນ. ຖ້າມີແຕ່ເສັ້ນດຽວ ລະບົບກໍງຽບ.
ແບ່ງເປັນ Zone/Partition ເພື່ອເປີດປິດແຕ່ລະພື້ນທີ່ແຍກກັນ: ສາງເປີດລະບົບໄວ້, ສຳນັກງານຍັງເຮັດວຽກ. ເຊື່ອມກັບ CCTV ເພື່ອໃຫ້ຄົນທີ່ຮັບແຈ້ງ ເບິ່ງພາບກ່ອນ (Video Verification) ແລ້ວຈຶ່ງຕັດສິນໃຈສົ່ງຄົນໄປ. ອາຄານທີ່ເຈົ້າຂອງບໍ່ໃຫ້ເຈາະ ຫຼື ເດີນສາຍຍາກ ໃຊ້ລະບົບໄຮ້ສາຍລຸ້ນໃໝ່ທີ່ເຂົ້າລະຫັດໄດ້.
ສິ່ງທີ່ລະບົບເຮັດໄດ້
ເຊັນເຊີຄົບທຸກແບບ
ປະຕູ, ການເຄື່ອນໄຫວ, ກະຈົກແຕກ ແລະ ການສັ່ນ.
ແຈ້ງເຫດສອງເສັ້ນທາງ
IP + 4G ພ້ອມແບັດເຕີຣີສຳຮອງ.
ແອັບມືຖື
ເປີດ/ປິດລະບົບ ແລະ ຮັບແຈ້ງເຕືອນໄດ້ທຸກບ່ອນ.
Zone ແລະ Partition
ຄຸມແຕ່ລະພື້ນທີ່ແຍກກັນ.
ກວດສອບດ້ວຍວິດີໂອ
ສັນຍານດັງ ເປີດພາບ CCTV ຈຸດນັ້ນທັນທີ.
ປຸ່ມສຸກເສີນ
ແຈ້ງເຫດແບບງຽບ ສຳລັບເຄົາເຕີ ແລະ ຮ້ານຄຳ.
ແບບລະບົບ ແລະ ຂັ້ນຕອນຕິດຕັ້ງ
- 1
ຍ່າງເບິ່ງອາຄານ ຄືກັບຄົນທີ່ຢາກເຂົ້າ: ຫາທາງເຂົ້າທີ່ເປັນໄປໄດ້
- 2
ອອກແບບ Zone, ເລືອກເຊັນເຊີ ແລະ ແບບມີສາຍ/ໄຮ້ສາຍ
- 3
ຕິດແຜງ, Keypad, ເຊັນເຊີ ແລະ ໄຊເຣນ
- 4
ຕັ້ງເສັ້ນທາງແຈ້ງເຫດ ແລະ ເຊື່ອມ CCTV
- 5
ຍ່າງທົດສອບທຸກເຊັນເຊີ ແລະ ສອນຜູ້ໃຊ້
ໃຊ້ຢູ່ໃສໄດ້ແດ່
- ຮ້ານຄຳ, ຮ້ານໂທລະສັບ ແລະ ຮ້ານສະດວກຊື້
- ສາຂາທະນາຄານ ແລະ ຕູ້ ATM
- ສາງສິນຄ້າ ແລະ ສາງອາໄຫຼ່ໃນໜ້າງານ
- ສຳນັກງານ ແລະ ບ້ານພັກຜູ້ບໍລິຫານ
ຂະໜາດລະບົບທີ່ພົບເລື້ອຍ
ຮ້ານຄ້າ
ເໝາະສຳລັບ: ຮ້ານ ຫຼື ສຳນັກງານນ້ອຍ, ບໍ່ເກີນ 16 Zone
- ແຜງໄຮ້ສາຍ ແລະ ເຊັນເຊີພື້ນຖານ
- ໄຊເຣນ ແລະ ແອັບມືຖື
- ປຸ່ມສຸກເສີນ
ອາຄານ / ສາງ
ເໝາະສຳລັບ: ອາຄານ ຫຼື ສາງ, ຫຼາຍ Partition
- ແຜງແບບມີສາຍ/ປະສົມ ພ້ອມ IP + 4G
- ເຊັນເຊີ Dual-tech ແລະ Glass-break
- ເຊື່ອມ CCTV ເພື່ອກວດສອບ
ຫຼາຍສາຂາ
ເໝາະສຳລັບ: ຫຼາຍສາຂາ
- ແພລດຟອມຈັດການສູນກາງ
- ລາຍງານເປີດ/ປິດ ແລະ ເຫດການ
- ທົດສອບ ແລະ ບຳລຸງຮັກສາຕາມຮອບ
ຍີ່ຫໍ້ທີ່ເຮົາຈັດຫາ & ຕິດຕັ້ງ
ຊື່ຍີ່ຫໍ້ ແລະ ເຄື່ອງໝາຍການຄ້າທັງໝົດ ເປັນກຳມະສິດຂອງເຈົ້າຂອງ. ການກ່າວເຖິງຊື່ ບໍ່ໄດ້ໝາຍຄວາມວ່າພວກເຮົາເປັນຕົວແທນຢ່າງເປັນທາງການ ເວັ້ນເສຍແຕ່ຈະລະບຸໄວ້ຢ່າງຊັດເຈນ. ພວກເຮົາຈັດຫາສິນຄ້າຜ່ານຊ່ອງທາງຈັດຈຳໜ່າຍທີ່ຖືກຕ້ອງ.
ຄຳຖາມທີ່ພົບເລື້ອຍ
ມີກ້ອງແລ້ວ ຍັງຕ້ອງມີສັນຍານເຕືອນບໍ?
ຕ້ອງ. ກ້ອງບັນທຶກ, ສັນຍານເຕືອນແຈ້ງທັນທີ. ແລະ ໄຊເຣນທີ່ດັງ ມັກເຮັດໃຫ້ຜູ້ບຸກລຸກໜີກ່ອນເອົາຂອງໄປໄດ້. ສອງລະບົບນີ້ເຮັດວຽກນຳກັນດີທີ່ສຸດ.
ລະບົບໄຮ້ສາຍ ເຊື່ອຖືໄດ້ບໍ?
ລຸ້ນໃໝ່ທີ່ເຂົ້າລະຫັດ ແລະ ກວດຈັບການລົບກວນສັນຍານ (Jamming) ເຊື່ອຖືໄດ້ດີ. ຂໍ້ດຽວທີ່ຕ້ອງຈື່: ປ່ຽນແບັດເຊັນເຊີຕາມກຳນົດ. ແຜງຈະແຈ້ງເຕືອນລ່ວງໜ້າເມື່ອແບັດອ່ອນ.
ແຈ້ງເຕືອນຜິດເລື້ອຍ ແກ້ແນວໃດ?
ໃຊ້ເຊັນເຊີ Dual-tech, ຕິດຫ່າງຈາກຊ່ອງລົມແອ ແລະ ແສງແດດ, ໃຊ້ Pet-immune ບ່ອນທີ່ມີສັດ, ກຳນົດ Zone ໃຫ້ຖືກ ແລະ ເຊື່ອມ CCTV ເພື່ອເບິ່ງກ່ອນລົງມື.
ຄູ່ມືທີ່ກ່ຽວຂ້ອງ
AI ໃນກ້ອງວົງຈອນປິດ: ໃຊ້ຫຍັງໄດ້ແທ້ ສຳລັບບໍ່ແຮ່, ໂຮງງານ ແລະ ຮ້ານຄ້າໃນລາວ
ກວດຈັບການບຸກລຸກ, ອ່ານປ້າຍທະບຽນ, ກວດ PPE, ນັບຄົນ ແລະ ຊອກຫາພາບດ້ວຍຄຳເວົ້າ: ອັນໃດໃຫ້ຜົນ, ອັນໃດຍັງມີຂໍ້ຈຳກັດ, edge ຫຼື server, ແລະ ຄວນເລີ່ມ pilot ແນວໃດ.
ກ້ອງ IP ຫຼື ກ້ອງ Analog HD (TVI/CVI/AHD): ອັນໃດຄຸ້ມກວ່າສຳລັບອາຄານຂອງທ່ານ?
ປຽບທຽບກ້ອງ IP ກັບ Analog HD ດ້ານສາຍ, ໄລຍະທາງ, AI ແລະ ການຂະຫຍາຍ. ເມື່ອໃດສາຍ coax ເກົ່າຍັງຄຸ້ມ ແລະ ເມື່ອໃດຄວນເດີນ Cat6 ໃໝ່.
ເລືອກຂະໜາດ UPS ໃຫ້ຖືກ: VA, Watt, Power Factor ແລະ ເວລາສຳຮອງໄຟແທ້
ເປັນຫຍັງ UPS 3 kVA ບາງລຸ້ນຈ່າຍໄດ້ພຽງ 1,800 W, ເລືອກ offline, line-interactive ຫຼື online ແນວໃດ, ຄິດເວລາສຳຮອງໃຫ້ໃກ້ຄວາມຈິງ ແລະ ຈັບຄູ່ກັບເຄື່ອງປັ່ນໄຟ.
ໂຊລູຊັນທີ່ກ່ຽວຂ້ອງ
ຄວາມປອດໄພທາງກາຍະພາບ
ລະບົບກ້ອງວົງຈອນປິດ IP (CCTV)ກ້ອງ IP H.265 ກັບ NVR/VMS ທີ່ອອກແບບຕາມສິ່ງທີ່ຕ້ອງເຫັນ: ໜ້າຄົນ, ປ້າຍລົດ ຫຼື ພາບລວມ. ທົນຝຸ່ນ, ຝົນ ແລະ ໄຟຕົກ.
ວິເຄາະວິດີໂອດ້ວຍ AIໃຫ້ກ້ອງແຍກຄົນອອກຈາກໃບໄມ້ ແລະ ໝາ, ແຈ້ງເມື່ອມີຄົນຂ້າມຮົ້ວ, ກວດ PPE, ນັບຄົນ ແລະ ຊອກພາບຍ້ອນຫຼັງໃນບໍ່ເທົ່າໃດວິນາທີ.
ລະບົບຄວບຄຸມການເຂົ້າອອກເປີດປະຕູດ້ວຍບັດ, ໃບໜ້າ, ລາຍນິ້ວມື ຫຼື ມືຖື. ກຳນົດວ່າໃຜເຂົ້າປະຕູໃດ ເວລາໃດ ແລະ ຮູ້ທຸກການເຂົ້າອອກ.
ລະບົບລົງເວລາເຮັດວຽກລົງເວລາດ້ວຍໃບໜ້າ, ລາຍນິ້ວມື ຫຼື ມືຖື ທຸກສາຂາ ແລະ ໜ້າງານ. ລາຍງານກະ ແລະ ໂອທີ ສົ່ງເຂົ້າລະບົບເງິນເດືອນໄດ້ເລີຍ.
ລະບົບອ່ານປ້າຍທະບຽນລົດ (LPR/ANPR)ກ້ອງອ່ານປ້າຍທະບຽນເອງ ເພື່ອເປີດໄມ້ກັ້ນ, ບັນທຶກລົດເຂົ້າອອກ ແລະ ຈັບຄູ່ລົດກັບນ້ຳໜັກທີ່ຈຸດຊັ່ງ. ທົດສອບກັບປ້າຍລາວຈິງກ່ອນ.
ຄວາມປອດໄພຮອບຮົ້ວ (Perimeter Security)ເຝົ້າຮົ້ວຫຼາຍກິໂລແມັດ ດ້ວຍກ້ອງຄວາມຮ້ອນ, AI, ເຊັນເຊີຮົ້ວ ແລະ ໄຟສ່ອງ ສຳລັບບໍ່ແຮ່, ໂຮງງານ ແລະ ສະຖານີໄຟຟ້າ.ສົ່ງແຜນຜັງອາຄານ ຫຼື ຮູບໜ້າງານສອງສາມຮູບມາໃຫ້ເຮົາ
ເຮົາຈະຖາມລາຍລະອຽດເພີ່ມ ແລ້ວສົ່ງແບບລະບົບເບື້ອງຕົ້ນໃຫ້. ປຶກສາຄັ້ງທຳອິດຟຣີ ເປັນພາສາລາວ, ໄທ ຫຼື ອັງກິດ ທາງ WhatsApp ຫຼື ເພຈ Facebook.